(st. Peter)
neng misan, deng tau e mu la aintindian,
mapali la buntuk makibat sung kitnan,
mamatakut la pang makibat neng misan
nung lambis da ita, -sana ali naman.
aku naman kasi, inia mangutang ku,
kaniang bage-bage ban makasiguru,
ban kung makapiwung aintindian kung ustu
ing dikil keng lugud a ipse amamu.
e ku taung marok…. -santu? mapaliari,
at mayap ku imbut karas keng babai,
nung mangutang ku man, malinis pin ini,
at alang malisia itang pamaniabi.
aku pin i iru, inia nung santa ka,
atin kung susi na ning pasbul ning banua.
04/14/23 //22:58
kaibat minum kape