keni sopan mu ku, keni ilako ta
ing kawang a atin kening pilatan ta,
ing lugud tang addua, keni salaksak ta,
ban kan’ta ing lugud ‘ya na’ng pilatan ta.
pakiramdaman me ing pusu kung ini
a lulugud keka, sinta ko, mekeni,
usignan te adduan ing dimla ning bengi,
lalu’t e aldo’ldo abe raka keni.
king aslag ning bulan, masdan daka leguan;
king lalam ning bulan, ing lugud, usignan;
king timan ning bulan, tumiman tang miagnan;
king sala ning bulan, ing yumu pilasan.
nung sala man ini, patawaran mu ku,
keka kumu buring pilasan ing yumu.
04/22/20 /23:24
kaibat mig-unyat unyat