Sinulat cung nota, sinulat cung dalit,
ing lugud cu queca queni cu sa’ paquit,
qñg pusu mu sana ini ya ing mampit,
at pagtumaila ya qñg balang pinandit.
Ing melodia na mitmu ya qñg lambis,
detang cayang nota malamyus la sunis,
at detang bersu na masampat lang labis,
uling metacmus la qñg pusung malinis.
Ing dalit cu queca layun queng itigtig,
cambe ning gitara cacung capanalig,
ding pusu ta’ sana ilang mipanusig,
itang damdaman da ing yumu ning tigtig.
Ing dalit cu queca, queca que idalit;
Qñg pusu cu ica, ing at’yu dusuldit.
E. P. D.
April 23, 2023