Mala-soneto
Silaba 12 Sesura 12
Taladtad 14
Kanita ing buri ku sana abak na
ban alben ke’ing aldo king dagat sasaka.
King lagu nang lalon, magdanum ku mata
bageng e ku akit neng benging marimla,
Lumo kung mandilu king aslag ning aldo,
ing tula king pusu tutung lapolapo
Mangainipan ku king kayang panyiro,
alub ku namu ing sumlag ne king babo.
Dapot menaliwa na ku buri ngeni
e ku na buri pang mapupus ing bengi
Ipanalangin kung ya nang magparati,
at ing sala e ne kaya manalili.
Anggiang kapilan man e na sa mag-abak
uling kaluguran mu ku king paninap.
Rodel E. Gozum
25 Abril 2023
San Simon