Neng Al Pedroche
(2:48 ning ganinaldo)
Lipit yng panaun
Ngara reng mangatua,
Careng gagauan mu
Mimingat ca sana.
Eca gasul-gasul
Nun tatalang pera,
Yng sablang gastus mu
Ysipan mu sana.
Nun e maulaga
Yng saclo ning mata,
E mune sasaliuan
Qng lisia mung pita.
Pati queng pamangan
Eca manacsaia,
Cabud mu na ugse’yng
Sobra qng lamesa.
Pacaisipan mu,
Dacal a daranup,
Taung alang bale,
Qng gabun matudtud.
Nun y’tamung tau,
Mitmu tamung lugud,
Ala sana’ng aliua’ng
Caladuang daranup.