Linikas nang Apung Gusting
keng Amanung Sisuan
26/04/23 Riyadh
Pane kung masaya, balu mu ing sangkan?
Uling e ku mantun nanu man kenu man.
Ing mamasa asmung kasakit keraklan.
Makuyad ya ing bie, dapat meng luguran.
Magpakasaya ka, pane kang tumiman.
Mie ka itang para keng kekang sarili.
At bayu manyabi, makiramdam ka pa.
Bayu ka sumulat, miukul kang bina.
Bayu ka gumastus, manintunan ka pa.
Bayu ka mangadi, mamatawad ka pa.
Bayu ka mie kaplas, piramdaman mu pa.
Bayu ka masamâ, binang lugud ka pa.
Bayu ka sumuku, subukan mu pamu.
At bayu ka mate…dapat mie ka pamu!