karakal ku yata bage pangandirian?
kalupa ning aldo mumuli albugan,
ilug a ing dagat ing paintungulan,
ing anging mumuna karing bulung naman;
kalupa ning bulan a ing keyang sala
king pisngi ning dagat parating mumuma,
ampo pa ing bunduk a piwung ing biga
umen ne at kaulan at diluan neng uma.
anti ra mong seriang papakit kanaku
ban kung mangalalu’t mangandiriang ustu,
pablasang balu rang kening pangatau
buri ku aku sa’ng paintungulan mu
at na’ng ulaga na ning pamanuma ra
nung angga man ngeni, kaku, paninap ka?
02/07/23 //00:23
kabang miminum kape