neng almario “amor” c de jesus-
*
Sigue abe’t caluguran, dagdagan ing pamagsane,
At malagua cang mabiasa, pamanyulat at gumale;
Sigue pucpuc, ipali me, anti ca mu waring pande,
Agyang masyas ya ing bacal, a yaliwa me ing aske.
**
Nung lalalang cang poema, macanyan ing kecang gawan,
Mamili cang buring tema, yta ing planu mung tucyan,
Detang amanung balu mu, caban ning isip misimpan,
Calcalan mung mirarapal, paca-simen at samasan.
***
Ding misulat balican la, nung ating dapat ibayu,
At ituki la king Rima, dalit mu lang anting bersu,
Bilangan la reng sylaba, lapat mula ketang metru,
Ing santing na ning lelang mu, manayun yang siguradu.
****
Anya ngening balu mu na, mayan ing gawang poema,
E na ca sa micacunu, sigue magumpisa na ca,
Deng abe mung talasulat, a poetang menimuna,
Ylang maging cayantabe, bang king Amanu mabiasa.
*
acdj