Bustan mu ku mal kung Irug dalit metung a kundiman
King lagyu na ning kekatang maligayang kapalsintan,
Kening lira isunis ku ban keka ku ilarawan
ing lugud kung mabusilak at dalise katapatan,
Ipasyag kung ulit-ulit king ika mu ing palsintan
Ika’bukud ing mal king bye, ika mu ing kaluguran,
Ing pakamal na ning pusu keka ku ngan ipamisan
Keka ngan ing sablang kaku angga man king kamatayan.
…
