dinake ke pu ining poesia kung ini ketang paskil nang koyang Rodel; buri ke munaman sanang idake kekayu. ini pu ing poesiang tutung tutu kening pusu ku ampong karanasan.
“kayaduanan”
sineria o kalmang makatikum palad
ing pangabayit kung makuyad mu ulas:
king pangabaluktut, lalung e miyatyat
uling i tata ku likuan na keng agad…
kareng ának ngeni anakung kariliâ
neng akakit ku lang mamangan masayâ,
uling ‘niang anak ku ing drumstick baniagâ
–e ne kakilala ning punta kung dilâ.
aggiang deng ispanis, lalaku ra dalan,
kareng abling lata karin ko mu tikman;
donat king Donut King, kakung pilalasan
king kalalawe mu’t king wawang akmulan….
ngening matua naku, king banua tatangis,
palad ding ának ku, mal’wa la sa gulis.
-30-
***drumstick – ice cream in cone
***donut king – donut brand bayu la linto reng dunkin’ donut, mister donut, j co, krispy kreme, keti kekatamu