Mala-soneto
Silaba 12 Sesuar 6/6
Estropa 3 Quatrain 1 Couplet
*
E ku pepasuala, ing gugulisak na
ning kalulung pusung, kekang binalisa.
Bista man asilu, mu ne kanita pa,
uling alangan ku, pinanpan ku keka.
**
Misna man kasikan, ing kabug ning salû,
ustung akit da ka, anggiang king marayu,
e ku besa karing, labi ku ing tutû,
a ring paninap ing, laman da ika mû.
Dapot ngeni e ku, na aggiung agwantan,
nung sikilan ku pa, mamilang kung tulang.
Bala na nung kalian, mu ku at umisan,
ipasiag ku na ing, kaku manalipan.
Ing sikanan kung lub, balamu tawli na,
aliwa no kislap, ding adua mung mata.
Rodel E. Gozum
04 Mayo 2023
San Simon