Lugud nang Inda

Neng Al Pedroche
(Alas nueve media ning abac)

Bucud qng lugud
manibat qng Ibpa,
Capante na nita,
atin pa mo caya?

Pecaisipan cu, ala
nang aliua, nune
mu yng lugud ning
Metung a Inda.

Qng palanacan na
Timnanan na ning bie
Aniang mibait ca,
Digsu nia mu mete!

Pepasusuan na ca
Bengi, abac, ugtu,
Ban dàgul ca’t sican,
Arapan me’yng yatu.

Ing sacripisyu na
ning metung a Inang,
Masàquit yang pante’n,
Masàquit tumbasan!

This entry was posted in Indu, Poesia, Poeta Alfonso Gomez Pedroche. Bookmark the permalink.