e ka mababating kening katandanan,
nung nu ku sininpan itang milabasan,
nung nu ku sisimpan ining salukuyan,
nung nu ku isimpan ing paintungulan.
kanaku ka ngeni, kaku kang kanaku;
bandi rakang bandi…. -nanu pang adduan ku?
daptan ku ing sabla a ikatula mu,
uling ing tula mu, tula mu rin kaku.
keka, ining bie ku, buu ya’t mabilug
at ikang pirasung king pusu mamilug,
uling keka yamu ing pusu mebaldug,
at maniad lang tangung matni reng balugbug:
king arap ning altar ayawad ku sana
ing pangakung lugud manggang alan’angga.
05/13/23 //08:10
kaibat megkape at memilang sisiliu