Neng Al Pedroche
(Alas singcu ning gatpanapun)
O baquit sisisian me’yng Dios queng bie mung melasac?
Nanu man yng milabas mu, yca’yng maqui dapàt.
Binie ning Dios yng cabiasnan ban quecang nabangnán,
Pero, sàyang, ginamit me quen mung casaquiman.
Qng angad mung misalapi, mebiasa cang manlocu,
Queluatan linuban mu pa pati yng pamanaco.
Pati queng baual-panulu
Limpac la reng limàs mu,
Caiabe ca careng sisian qng mesaldac ta’ng yatu.
One’ng sariang alang magluat maraoc queti qng yatu,
‘Nia ngeni quen ca dinugpa, quilub ming calabosu.
Ngening manangis ca’ng batu, yng quecang gulasyo:
“Oba’t pepaburen mu cu, maraoc ca pi’ng Guinu!”
Pablasang e ca memintu qng dapat pamintùan,
Nunè yng quecang tequiquian, yng diablung malaram.