Dacal a salamat careng magmasabal
qñg amanu tamu pilit dang gugusal,
e la magpabaya at e la papagal
titas ing amanu’t dirinan deng dangal.
Dening maglualu a cacung tutunggen
ing amanung menan tune reng sesesen,
payabut ing nasa careting memalen
bang ing capampangan e ya mipaburen.
Dacal capampangan cailangan miyanad
lacuas na reng anac mituru lang agad,
dening magmasabal ilang tatalacad
bang iting amanu sican yang sumicad.
Salamat mu naman careng Capampangan,
qñg amanu tamu e la mangalinguan.
E. P. D.