maluat ku ne pung gewa ining poesia, at ini ing nung makananu kung lalawan kanita ing “pamakipangatawan” o ausan da mung “sex” reng aliwa dapot “making love” naman ing aus da retang ing lawe da kanini e mu kabud “sex”.
melarin ya mu pung baggia (ortograpia) pangasulat pero e ya bitasang metagin diwa.
“dangalan ning pusu”
ing kakung sikanan, keka atutupan,
mangalambut ku man istung panusignan;
ini ing keinan ku a maki dangalan
a gagamitan ku ken mung katuliran.
ing alang pilatan ding adua tang salu,
e uli ning pali a maka yatu mu,
nun’e ing lablab na manibatan pusu
-kukunsinturulan ning tune pangaku.
anti king mangadi, reng salu tang addua
bala mu palad la a piraup saria,
maniawad bindisiun -magamit ka ta sa’
king pamaglalang Na nitang Mayupaya.
diadema keng pusu nung ing kababan ta
maging kasangkapan king banal Nang obra.