Miras ku king wakas
ning kanakung landas,
Nanu ing disan ku…? Kutkutan yang paldas.
Ing bukud nang bakas
ning bye kung milabas:
Dildil yang merunut… Anino yang lubas.
Nanan ke mang liswan
ing kakung miralan,
Ala kung malino bungang pipagalan;
Pane ngang kabigwan
ing makalarawan
karing bilunga’ na ning bye kung malakwan.
Makanyan palan’ da
ing mye king masala;
Ing baug a dapat muli ngan king ala;
Ing bukud mung tanda
king bye kung mewala
Bungu yang e ra man daklutan ipala.