(Cacaidquid ia yng balulang)
Macuiad A Poesia
Irvin Harvey Rivera
Siuala Ning Maliwalu/Anac Ning Baculud
May 22, 2017
Cucurucutuc nga na ning manuc
Tatas ia puluc e bisang tuctuc
Golpi queng picpuc ‘tsaca que dicduc
Minta ia suluc memanilauc.
Cucurucutuc nga na ning tandang
Cacaidquid iang magmamaiabang
Caretang gaindu ia tacbang-tacbang
Bisa iang tuctuc at mamagmulang.
Cucurucutuc nganang milai
Belabat ne ning dacal a sisi
Mipaiatras iang pula-pulai
Penagal de pa ring caiang sisi.
Cucurucutuc nganang mesaplid
Qng que’iang geindung macaba taid
A mengamanu ia’t memanulid
Yng sablang bage ume mung tulid.