Mengari king bunga metung cu mung bubut,
nung king pamangudta e cu pa malulut,
at dit pa ing balu calupa ning bingut,
magumpisa pa mu king susu mumutut.
Bista man balu cu ing beluan cu dimut,
king pamanigaral e cu papatugut,
king pamanyalicsic pilit mangalicut,
bang detang malaut acua cong ayabut.
Deng amanu tamu dacal misalicut,
detang abalu cu buri cu lang palsut,
at king pamanyulat carin co payabut,
mecad sacali man atin macapulut.
Metung cu man bubut, e cu pa malulut,
king Amanung Sisuan, yacung manamuyut.
E. P. D.