Neng Al Pedroche
Alas seis ning abac
Sinlag ne naman pu
Yng aldo’ng manayun,
At salubungan mi
Yng bayung panaun.
Salamat Quecayu,
Ibpa ming meglalang,
Qng tùla o lungcùt
E’yu que lalacuan.
Caren pung pagsubuc
A dapat arapan,
Cailangan mi Guinu
Yng pamamilatan
Neng Cristung migsalba
Qng metu-sicluban,
Nu’ng sarili mi mu,
Ala queng sicanan.
Qng pusu mi Cristu
Queni ca maratun,
E ‘Ca sa mamaco
Nanu ma’ng panaun.
Yng bie, nun ala Ca
Ala’ng cabaldugan,
Yca mu’yng buri mi
A paintungulan.