Ing Pamalsimi cu

(Ing saingsing ning Indung Amanu)

Bina cung malsimi king mangapalyari
dacal careng anac at careng pengari
ilang maging sangcan at mikipasari
ning pamalsimi cung magbaba cu uri.

Ing tamle nang sunis ning cacung lauiui
pauaga na niti ning pusu cung saui
a mandulap lingap ampong pamaniui
bang keti sicluban e cu malumpaui.

Pacamalan yu cu icong cacung suli
iti ing nasa cu cabang e pa tauli
king kecong sarili yacung manatili
uling yacung bucud at magdilidili.

Sabian yu na ngeni, itas yu cu uri
uling ing uri cu… yang kecayung puri.

E. P. D.

This entry was posted in Amanung Sisuan, Mala-Sonetu, PL Eric Dizon, Poesia. Bookmark the permalink.

Leave a Reply

Your email address will not be published. Required fields are marked *