CHRIS PUNSALAN AT I APU (GRANDMA)
nang: PL Sergio Gramonte Calayag
Tune metung Bambanense ing lipi nang penibatan
Pamilyang Santos- Manipon, kilala la keting tibuan
Pamilyang Milan-Punsalan ating daing manungkulan
Malugud lang parang tau, dening liping kapampangan
I Anicia yang apu na, dakila yang talaturu
Karing escuelang Banaba, keting baryu ya sinuyu
Elementaryang Gabaldon, migsilbi ya at tinuru
Balitang biasa’t mabeluan ining maganaka tau
Ining Jason a tata na, iyang bunsu ding Punsalan
Malugud ya keng pengari, deng kapatad pakamalan
Kababan lub keni nang bie, panugali nang dadalan
Pengari na iyang tenam, yumung lugud ing linulan
Kasebian keng kapampangan nung nanu ya itang tenam
Kekang tanam a tanaman, keang bunga piyakitan
Nung ing lugud yang mitanam, keang bunga misnang niaman
Makanian ya I Christopher yumung lugud ing mitanam
E ya pin mamungang ubas, nung tenam mu metung biabas
E mamungang metung mangga keta nang tenam mung peras
Anting metung ortelanu, mananaman keting labuad
Makanian ya ining grandma, keang lugud amamalas
Mayayakit social media, yumung lugud a papabal
Itang mayap a Balita kareng tau yang panaral
Metung kayung alimbawa kareng malda mitatangal
Pakiapusan kekong gawa, ing lugud yu at pakamal
Christopher Milan Punsalan Manipon – (ing Apu) grandson, Tatang ne l Jason
Ibat king lipi nang Antonino Punsalan (Sr. at Jr)
Anicia Yuzon Santos Manipon ( lmang lsing) ing grandma, asawa neng Alfredo Sibal Manipon, ing postmaster Bamban
Cynthia Manipon Punsalan ing lma nang Christopher
