mekeni, atin kung buring sabian keka,
metung yang sikretung sisinup maluat na,
pisinup-sinup ke ibat pa kanita,
ibat karing aldo a anak tamu pa.
bala ka nung nanung sabian mu kanaku,
ika mu ring bala nung indredus mu ku,
o kaya maging teng sikretung pareu,
bastat ing sabian ku pakirandaman mu.
isipan ku waring nung e pamu ngeni
e mirin sikan lub a sabian ku ini,
pilan nakung besis mengangas asabi
pero king nasa ku alang maliliari.
pero ngening aldo sikan lub kung sabian,
ibat pa kanita, ika nang palsintan.
06/14/23 //5:49
kabang makasake dyip papunta c-point