Mala-Soneto
Lorung Malabit
*
Aliwa na yaku ing kanitang aku
bina nang maragul ing pamagbayu ku.
Aliwa na yaku itang alipan mu,
a kekang ginamit ampong inabusu.
**
Itang pandurut mu karing kekang palad,
at pamakarine mung e mu malagad,
malambat neng ala, ikua nang misagad,
e na ya makagyu king e ya bubulad.
***
Ing pemialungan mung mengaring dikuerdas
uli ning balu mung lulugud yang wagas,
metapang ne ngeni at megi nang masias,
arapan na naka miras na ing miras.
****
Ining sasabian ku king arap salamin,
potang atyu ka sa asabi ku mu rin.
.Rodel E. Gozum
19 Junio 2023
San Simon