para keng ikasulung ning paniulat
“ala na wari?”
ing lugud mu kaku ot biglang melabug?
o’t biglang mebating? o ba’t biglang limbug?
o’t biglang meyala? o’t biglang tinabug?
o ba’t likuan mu kung king lua ku makalbug?
nanu ing sala ku? o nu ku migkulang?
migkulang ku wari king sintang inampang?
o kulang ku lambes? o keng oras galang?
pero ing respetu, piwu ku e kulang.
inia ing kutang ku o’t kaya meko ka,
at likuan mong bitas ding tabun ding mata,
at likuan mu pusu a sassio dunut ya
king pangapatanang e mu libung dusa?
king pusu mu wari ala nang bitasa
ing lugud mu kakung saddiang babie tula?
06/24/23 //06:35
kaibat minum diatabs