Mala-Soneto
Irvin Harvey Rivera
Siuala Ning Maliwalu/Anac Ning Baculud
June 25, 2018

Quitang mu ca’cu nung “caluguran daca?”
Mequibat cu ngacu, “miguit pa canita”,
Miguit pa canita ing ‘bie cung ulaga
Mangga na qng ca’cung marimlang bangcala.

Ing lugud cu queca miguit ia qng bie cu
E ia capilanman miririnang sepu
Pengacu cu queca maguing qng bangque cu
E ca capilanman misimpan canacu.

Nung ing camataian iang mie capupusan,
Ing uagas cung lugud e na misuglungan
Pab’ren mu qng banua, carin cu balicdan
Pengacu cu quecang Lugud alana’nggan.

Alang cauacasan ing ibie cung lugud
Maguing bugtung cung bie mamun ne’t mapatlud.

SiualaNingMaliwalu #AnacNingBaculud