matula keng addua ning kakung katipan
neng itang ambrosia, kekeng pisusuluan,
dapot mas masuelu istung king pisuluan
mipanuanan kaming kalam ning Ketasan.
dapot ating aldo dapat kung mibata
ban e ku asira itang tiwala na;
bisa ku at ali, dapat kung sumala
king pamisulu mi kaniting ambrosia…
king pilubluban ku ing pane kung nasa
ing panibulus na ning kanakung tula,
apanatili ku at e ayabuang sa’
ban iti e muling sangkan ning paliasa:
inia pin king danup aggiang mamalipit,
misding kung ambrosiang e iyang meningit.
meulip 03/07/23 //07:16
kaibat megalmusal single