nang:. PL Sergio Gramonte Calayag
Bilang metung a kristiano, ating lugud parang tau
Kipmuan ya king kabanalan keni nang bie ipakit mu
Ilako ya ing katasan, at kababan ipabal mu
HEART ya ining kekang pusu, ‘tin kabaldugan akit mu
H – HUMILITY o kababan, kareng pusu yang ilulan
Tune ini yang mumuna nanu ya man kekang gawan
Tandanan ya ing kasebian kareng makatua damdaman
“Keng mababa karin munta, ing dagus na ning danuman”
E– EMPHATY yang makatuki, tune atin buring sabian
Ikabit me keng sarili, ing karelang pilubluban
Ban kanita abalu mu, nung nanu ing panandaman
Dening taung mangailangan,a kasaupan mu iyang iduang
A – AVAILABILITY naman, sarili mu ibuklat ya
Makasadia kang sumaup, e lalawan estado na
Nanu man ing kule balat, e lalawan ing itsura
Pamagsilbing mipnung tapat, dening palad e sasara
R – RESPONSIBILITY iyang gawan keni nang pamilya
Ila rening pakibatan, nanu mang miyatang keka
Kapabustan e gagawan, kalingapan ing mumuna
Ing kayapan yang magbabo, ing tagumpe akamtan ya
T – THANKSGIVING ya ing tutuki, pasalamat king Miglalang
Nanu ya man kekang tinggap, ibie’ng kapasalamatan
Ban pota nang pasibayu e marine lalapitan
Salamat ya ing amanu, tune ating kabaldugan
Makanian ya’ng kekang pusu, ating lugud at kamalan
Balang letrang sasambitlan, tutung ating kabaldugan
E pabustan mangarimla, nun’e bagkus palablaban
Yumung lugud la idake, dening taung pakamalan
September 19, 2022