Aggiang ken mu sana, king cacung isulat
Ing sablang malyari, puru ngan masampat
Ing sablang marucat, palbug cu king dagat
Sumulung ing mayap, ing maroc yang mampat
Deng ngan sablang bulag, ila nang manakit
Ampo pa reng pipi, ilang macasambit
Mipaldan la naman, deng sablang masakit
Tumiplad ing pait, inaua ing mampit
Alang maningaya, ala nang paratut
Alang mapagmatas, at ala nang gutgut
Deng masyas a pusu, bigla la ngan lambut
Pelalung malaut, agyu yang ayabut
Aggiang ken mu rugu, king cacung sinulat
Ing bage marucat, geua cung masampat
Busna ing mabayat, malyari yang ibuat
Ing ditac pinandit, malyari yang lumuat
E. P. D.