bista man buri kung atiu ka pa sana
ban kareng takde mu makapagberat ya
ing anak malati (king lub anggang angga)
a lulugud keka ampong mangulila.
pero ketang misan king e ku siserian,
sineria ning kalma ban ke mekad saksian
ing tatang miyapse pikatsang katutuan
king anak king keyang selpon pakisabian;
ngana, “mayap ku mu, at mamangan naku,
ing kakung apunan, manuk a arobu,
e me dirin paud ing ukul mu kaku,
ing kekang sarili iyang ingatan mu….”
king keyang kabilian a lamesang lubas,
keka, e ku buring takman itang igkas.
07/09/23 //22:02
kaibat mipayaglit