nang: PL Sergio Gramonte Calayag
Ining taung bakal iyang adalanan
Balamu lalawe, ala yang lalawan
Iya ing babatyo alang babatiawan
Saka makasandal keta nang sandalan
Potang pakalawan anti yang mimisip
Ining taung bakal ala nemang isip
Itang kayang buntuk, iya ing asilip
Tune alang laman, ala ka mang akit
At neng kakuntentu, keng kayang talakad
Ala yang problema ketang kayang arap
Dapot taung bakal e ya makalakad
Detang kayang bitis misna la kabayat
Anting kayanakan tutu yang moderno
Keta nang kabilian tune neng kuntento
Buri na maporma, buri na maluhu
Alang kasipagan iya ing akit mu
Ing masakit kanian, iyang alang pusu
Tutung alang lugud, parandam keng tau
Mengari keng robot, keng utus mamintu
Alang pamagkusa, tamad iyang atsu
Inia paganaka makaniang kabilian
E sa pakiapusan ining taung bakal
Alang yumung lugud, pusu makalulan
Diwang makayatu, iya ing papabal
