nang: PL Sergio Gramonte Calayag
Sasabian da ring mamalita, ing balitang sasambitlan
Ining takut yang lulukub, keti babo ning sikluban
Inia dakal kareng tau, mimina la pilubluban
Itang takut yang mimiral, makakulung keng isipan
Pauli na nitang takut, tutu e na makagalo
Katawan na niting tau, iyang maging paralisadu
Pati isip yang magnerbius, gagalgal at e kalmado
Ala ining karatunan keang isip yang magulu
Isip alang karatunan, tiwala mu yang kailangan
Ing ligalig keni nang bie, iyang tutu ing mimiral
Inia ini yang labanan kanita mika-katimawan
Ini nang kekang sarili iyang mika-kapasnawan
Dapot ini nang problem, ing solusyun e tepangan
Iya ini ing labanan pota ini yang daratang
Tiwala mu yang kailangan, king Dios lbpa tang miglalang
Kabud iyang kekang gewa, midinan Kang karatunan
Mabating ya ining takut, kabud Ika’ng migtiwala
Tiwala keng parang tau at Dios lbpang Mayupaya,
Iya ini ing paralan, at ing takut yang kumumpa
Yumung lugud yang ilibe, at ligalig yang mawala
Salamat Kang Sir Justine Cayetano