paniningaya mu ampo pang sasabian
katulan mung tutu at buri ing uran,
dapot bakit kaya potang datang naman
manintun kang payung pisasalilungan;
ing aldo, maralas king kekang amanu,
ing buri mia naman, sasabian mu kaku,
dapot neng sunlag ne, ing apansinan ku
manintun kang lilung a pagdatunan mu;
ing sasabian mu pa, buri meng lalabul
itang anging titiup ampo pang babagul
pero mangutang ya ining kakung ukul,
obat maniara kang awang istung labul.
ing pamiganaka, ini ing sangkan na,
sasabian mu kasi buri mu ku’t sinta.
07/21/23 //10:46
kaibat memiping takap.kama
***diwang ibat keng idulu kung poeta, William Shakespeare