Poeta cu uari? Neng yacung susulat,
ding canacung bersu e no man masampat,
dening cacung rima cabud la lalapat,
lindayug ning cudta e ya malinatnat.
Poeta cu uaring dapat kilalanan?
Ding canacung pacsa ala la man laman,.
bina mu king dimut ing canacung beluan,
malaut cung tutu careng matenacan.
Poeta cu uari? Nung yacung gumale,
ing cacung siuala anti yang gegege,
agyang king daya cu atin sasagese,
ning suling macudta cacu manalete.
E cu man Poeta, dapat kilalanan,
dapot suli nacu ning Indung Ibatan.
E. P. D.
July 22, 2023