nang:. PL Sergio Gramonte Calayag
Malagung tabernakulo ketang sentru ning pisamban
Turu ning Santa lglesia, mabie Guinu’ng makalulan
Kareng talasanpantaya, ila rening panenayan
Ban kanita iyang purian, ketang kaya nang kamalan
Manibat katalakad na ning pakamalang pisamban
Atsu ne’ng tabernakulo ketang altar tatangalan
Kipmuang leguan yang akakit, potang iyang pakalawan
Mayayama ing panandam, potang siklaud keng arapan
Keang sulung makasindi iyang e dapat matatda
Itang mabie tamung Guinu, iya ining pekatanda
Ing lugud na ning Guinung Dios kayang lugud paganaka
Guinung Jesus iyang atsu, keting lugal mandatila
At neng misan yang kukutang ing pisamban lalabasnan
Dening tau reng mangurus, kabud iyang adalanan
Anti la mong makilabas ketang tune kaluguran
Ing Guinu tang Jesu-cristo iyang keti manuknangan
Ketang kakung kayanakan, potang aldong Jueves Santo
Mamaglinis king pisamban, tabernakulo iyang kaku
Aku ini’ng magpakintab , pakislapan ke pang ustu
Kabang iyang lilinisan, pakisabian ke ing Guinu
Inia potang keng pisamban iya ini ing luluban
Santisimo ketang altar, yang mumunang pakalawan
Anting metung kaluguran iya ining dadalawan
Uling iya ing manaya, keng sinta nang pakamalan.