itang apung Iru, istung aldo na na,
ing keyang kapiestan masaya tagana;
pagoda keng ilug, nung akit mo sana,
siguradung nemang salambo i mona.
masaya lang tutu reng sablang manalbe
a atiu keng tete o kaya keng bebe,
pablasang ing patrun tuturing deng gabe
a king bie ning balang metung kayantabe.
kabang aku naman, ing e ku salanan,
nung nu yang pagoda a inukiatanan
i mona, ya naman kakung ukiatanan
ban keng miyayabe magmasusing agnan.
king luse kung isip, “nung mika disgrasia
akung bayani nang tambing makasaddia”.
07/24/23 //77:29
kabang manayang nomiru kemg AUF Med
***koyang Anak Arenas, aini pu ing metung kareng piesang kayabe ketang koleksiun kung poesiang kalokuan a maki rimang mabilug a silaba.