Balá ku mó saná , ìka ná…ìka ná,
mekábye kanaku, timan kening lupá,
‘bat kabirá – birá, migbáyu ka astá,
kabud ka tinabug , na’ng gewa ku keká?.
É dá kamu átext, ketang milabasán,
kási alá kung “load”, ót é mu aintindyán?
agád kang sinumpung, alá kung kabaluán,
póta ing tutû ná, burî mukung lakuán.
Nung warî sigurú, é kamán tinutû,
at ikwâ mu kumû , king pabiru-birû,
ngeni atantu mú, mé kang mipasubû,
ínya mekad ngeni, bisá kang dumayû.
Alá nang marapát , mikawáni taná,
ing asábi kumû , “Salamát na keká”!
“Binola muku mu”
Neng; Patria Bondoc David
(Tsokolating Lagu-lagu)
ning Tarlac
