angel kung malate, kapirasung banua,
tula ning pusu ko, tula ning kaladdua,
kaban ning kasuelo at kakung ligaya;
malati kung angel at kakung prinsesa.
e mu la paburen lalakuan ning timan
ding mata mu, mal kung timpukan ning leguan;
uling nanu ku man bayat pupusanan,
neng isipan daka, ing sabla kakayan.
angel kung malate, anggang dagul ka sa’
manatili keka ing misna ganaka,
at e kakalinguang mumuna keng sabla
ing mamaus pane keyang Mayupaya;
at aggiang dagul ka, kaku manatili
a ika ing kakung angel kung malati.
09/06/23 //16:48
kauli ibat obra, kabang mamangan eggpie