nang: PL Sergio Gramonte Calayag
Mibalik keng isipan iniang aku’ng talaturu
Sto. Niño Academy ing escuelang pigsilbian ku
Dening anak a magaral, ila reng ka-alubilu
Kabuklat ning kayabakan, mikit-ikit kareng kuartu
Pangaras aldo Domingo ikami reng mamanyimba
King pisamban Sto Niño, ing malagu tang Paroquia
Kayari na nitang Misa, at neng misan maglamierda
Ikami rening mamasyal, keti balen tamung sinta
Keng makanian a paralan dening anak a magaral
Karela ku mamantabe kabanalan yang pangaral
Ing bokasyon yang masese kareni nang mamagaral
Detang bisang mamagpari, ‘yang karela ku papabal
Karas mumunang Sabado, mamanyimba balang bulan
Saka kami magrosaryo, iyang parating gagawan
Panyese ya keng bokasyon kening bie mi yang dadalan
Kayaduanan king Dios lbpa, dening pari ‘lang dagdagan
Aguman Confraternity of the Most Holy Rosary
Iya ini ing aguman, kareni nang estudianti
Pamagaral ing gagawan at palino gawan keti
Kareni nang balang miyembru, ban ila reng manatili
Inia naman keng gagawan iyang tutung mikabunga
Ing bokasyon yang mesese, keni balen tamung sinta
Dakal pari’t relihiyoso keti balen mayakit la
Pauli ning panalangin kayaduanan king Dios banua
(Mateo 7:37-38)