nang: PL Sergio Gramonte Calayag
Mung sakaling maniambut ka, keng daratang a alalan
E sa parating lalakuan dening kekang sasakupan
Pablasang ika’ng binotu, tune ra kang pigtiwalan
E ka sana lunto-lumbug, anting tugak king danuman
Tutung misna king kasakit, nung ika’ng parating ala
Anting metung a pamilya, ila rening me-ulila
Panintunan kening siping, tutung ala keng siping da
Inia sana e pabustan, ining lakuan- dasan mu la
Tutung e mu la asisian nung ika’ng paninintunan
Anti ka mong metung tata, Ika ining panaligan
Nung atin problemang datang, kasaupan mu iyang iduang
Ibie karelang solusyun, iya ini ing panayan
Atin pastor ampon pari, kening karelang iglesya
Nung bakit atin Heneral, manimuna ketang gerra
Ila rening mamantabe, karening sasakupan da
Makanian rin keng barangay, manungkulan kailangan ya
Inia kabud Ika’ng mipuk, kening kekang katungkulan
Dening taung sasakupan ila reni deng sikasuan
Ilako sa’ng kapabustan kalingapan yang dagdagan
Anting Tatang a malugud, modelo ya at uliran