Manibat qng aldo
Micauani cata,
Yng pusong merunot
Maniglo ya queca.
Ala cung patugot
Babatyo qng banua
Magbacasacaling
Carin, aquit da ca.
Qng pamagcasaquit
At pamimibata,
Carin ya maratun
Yng cacung caladua.
Sinta, nucarin ca?
Panintunan daca,
Qng aslag ning bulan
Caren ngang estrelia.
Angian qng paninap
Ustung miquit ca ta,
Ecuna asucad
Yng cacung ligaya!
Al Pedroche