Shakesperean Sonnet
Lorung Malabit
Dinulung ne ing ari ning banua,
oras na ban mangulis yang kile.
Mandilu ya king murang kanangga,
ban dakal malikid kalual bale.
King migkulang king telang imalan,
tatando ing sukat isalikut
Uling imbut nang iyang pagnasan,
da ring adan a makapadurut.
King lugal a daralanan saken,
karin ya manaya at talakad.
Balang tutuknang kayang lalawen,
at agkatan ban manupang pugad.
–Uling mangmang ya’t maluka bili,
–ararapat na ing e na buri.
26 Septiembre 2023
San Simon