Ing bie keti sulip katmu yang pagsubuk,
dakal la reng tuksu a layun manabluk,
itang dapat marok a lulub king buntuk,
nung e mu alisyan akua mung milugmuk.
Atin pang pagsubuk, makamateng sakit,
pasakitan naka, itang anggang binit,
paramdam na keka ing kaplas at pait,
anggang miras naka king tauling pinandit.
Dakal pang pagsubuk a malyaring datang,
king kekatamung bie ila ring kabilang,
nung e ka matibe, at e ka matapang,
pati kaladua mu akua nang masintang.
Ding sablang pagsubuk dake na no ning bie,
ing daptan ta na mu, ing maging matibe.
E. P. D.
Sep. 23, 2023