ketang misan bala ku sa’ naman
tindag ya sala ing kandila ku
nung iya mung diling panibatan
kaniang sala keng marulum kuartu.
ala keng patulu iting bage,
bage kakung apiukul-ukul
kaibat mitagan ning sulung tagle,
kaibat kong ding aliwa piglabul.
ing katas ku lawe king sarili
iyang kaku ing mibabang seria,
magmap namu kilala ku iti
a e ra dapat ding taung tula.
–uling ing sala laganas pala
–nung ding pakapatda sindian ku la.
10/15/23 //17:27
kaibat menos pinggan
***salamat ketang sonetung “Meraig” nang Apo Gonsalez