194

Neng agaganaka ke kanita
Potang panaun na ning Disyembri
Lasa me ing amyam nang marimla
Ing kasno ning sambra panga bengi.
Pane no ring kantang susulagpo
Masiglang patigtig da keng radyu
Pansin mu ing magarbung paniglo
King panyatang ning aldo ning Pasku.
Atatandanan ku anting anak
Mapresku ing labul na ning angin
Masayang magdapug istung abak
Istung bengi dakal lalto batwin.
— Kabilis nang meko ning milabas
— Saglulu ning mamalagwang bukas.