ditak mung panaun ing meging aldo ra
ring kekatang pusu keng pamipalsinta,
pablasang maranun miras ing sepu na
ning pamisulu ra reng adwang pusu ta.
e misadsad agyang adwang banwa mu sa’
ing paninapan kung alan’anggang tula,
uling maranun nang pigkaymut ning kalma
ing pamilukub da reng salu tang adwa.
ing pamikalugud tutung makuyad mu,
pero makaba ya bitawak keng pusu,
dapot sumangid na ning luang pepatulu,
deng aldo na niti makaba lang tutu.
uling ing lugud mu, ban apilasan ku,
ayan ku ing napun pasi-pasibayu.
10/10/20 //13:11
kabang pauli