nang: Poeta Sergio Gramonte Calayag
Kayabakan a maranun ilang atsu keng pagkeran
Bibilad ya ining bungsu, ing kuentuwan alang tuknang
Agyang aku ing matundu, at ing tundu lalabanan
Ila reng pakirandaman, nung nanu ing pisasabian
Ing milabas keni nang bie anting paslu king katasan
Iyang linub kening isip, keng maluka ming karinan
Ing lnda mi at I Tatang, makanian ya ing gagawan
Magbatug ke king pagkeran, saka kami magamusal
Kabang ining kekeng lma, iya ining makakera
Atsu kami keng siping na, mipagkuentu keng masaya
Ining malugud ming tata, itang kape yang lalaga
Saka yapag no kekami, at makiabe kening saya
Ngening, atin nakung Apu, dening apu makisiping
Saka makipag-istoria, panandaman itang lambing
Pablasang adalanan ku, keng pagkeran siping-siping
Ating lugud a mitanam, iya ining apapangsin
Ing kanakung adalanan king malukang pagkarinan
Tune metung kayamanan keng pamilya pakamalan
Keng pusu ning balang metung ating lugud a mitanam,
Megambul ya at mesese, keng sarili makalulan
