paniatang ning baggiu a pekamasikan,
king bie, metukup kung alang kapiyadian,
at ing sisti na pang e isip-isipan,
iti, king gamat da ring kakaluguran.
ot king pauli na ning pamakiabe ku
penusignan ku la keng ingit da kaku
a aggiang misan mu usignan ko kanu,
kaibat, e ra naku agkat pasibayu.
king pamanusig ku, ngaku, niaman pala,
king misan a takman, miruyan ku banua.
inia ing miliari, kaddua, kusa ku na
ing managkat mantun king pepatakman da.
dapot mitiempuan kung maus ya’y kumander,
ing mekibat ing guest relation officer.
10/17/2019 /13:45
kaibat mekipagtu keng kari ima ku keng Salapungan, Angeles