aminan ku, dati, nung atin man monu,
aku na siguru ing numeru unu
king kayalan balu aggiang pang keng tuksu
a seria rang imbut ding dakal a tau.
dapot dening dioses memamakialam la,
e kinimut palsu i Venus a diosa,
ampo i Cupido king pamakialam na,
mesilo kung agad iniang akit daka:
kilala ta’yng lugud king busal ning lugud
king dimla ning bengi at katawang matbud
a bayu salangsang sinuku na kabud
king pamanabluk da ring labing mamagud.
mabilis man dapot uyni katang addua
makarap ta altar mipanipan sumpa.
04/23/20 /00:16
bayu matudtud