asna kataimikan kabang asna sigla;
sobra king kasigla dapot alang suala,
at mas taimik la at migaganaka
ring e mababaldug at manikal kung lua;
e nakuman misdan dapot e ku balu;
alang darandaman nung e’ynge ning pusu:
“kabag, kabag, kabag,” -e simpling kabag mu;
maibug yang mamakbung ing saskup kung salu.
at ing kataimikang misaldak keng tabla
ing kinalbit kaku ban kung migising na:
mayumu yang diling dindam a musika
-ring mumunang nota ning bunga ning sinta.
***petsang 2009 ya siguru misulat ini
***linarin keng baggia lakuas na ing rima na
***kayabe ya pu ini karetang koleksiun kung poesia para kang indu ku keng lalam ning pamansag a “madonna”
